Ydych chi'n colli eich tymer pan na fyddwch yn cael
eich ffordd eich hun? Neu ydych chi'n pwdu gyda
phawb am wythnos? Rhowch gynnig ar y cwis
cyflym hwn i ddarganfod pa mor dda ydych wrth
siarad am eich teimladau.

1	Rydych yn symud tŷ ac mae'n rhaid i chi fynd i ysgol newydd. Mae eich Mam yn poeni ynglŷn â sut y byddwch yn ymdopi ac mae'n eich holi drwy'r amser. Ydych chi'n: (a) dweud eich bod yn iawn (hyd yn oed os nad ydych yn iawn). Nid ydych am iddi boeni hyd yn oed yn fwy. (b) Dweud wrthi am roi'r gorau i holi a gadael llonydd i chi. (c) Dweud eich bod yn falch ei bod wedi gofyn i chi a dweud wrthi bod rhai pethau yn eich poeni.
2	Ers i'ch Mam a'ch Tad wahanu, mae eich Mam wedi mynd yn llawer mwy llym. Pan oedd Dad yn byw gyda chi, roeddech yn arfer mynd i'r sinema ar nosweithiau Sadwrn gyda'ch ffrindiau. Nawr ni chewch fynd allan o gwbl. Ydych chi'n: (a) Aros i mewn a phwdu (b) Gweiddi “Rwy'n casáu byw gyda thi, rwy'n mynd i fyw gyda Dad!” (c) Ceisio siarad â'ch Mam a gofyn iddi eich helpu i ddeall pam bod hawl gennych i fynd allan o'r blaen ond nid nawr. Ceisiwch ddangos iddi, er bod pethau wedi newid, nad ydych chi wedi newid. Gall eich Mam ymddiried ynoch o hyd.
3	Bob tro rydych yn dod nôl ar ôl penwythnos gyda'ch mam, mae eich Tad yn ceisio holi am ei pherthynas gyda'i chariad newydd. Ydych chi'n: (a) Creu storïau bod pethau yn mynd yn wael hyd yn oed os nad ydynt (b) Dweud wrtho am roi'r gorau i holi a cherdded allan mewn tymer (c) Egluro wrtho pam bod siarad am y peth yn gwneud i chi deimlo'n anghysurus
4	Rydych yn mynd i aros gyda'ch Tad bob penwythnos. Mae gennych berthynas dda ond rydych yn colli allan ar yr hyn y mae eich ffrindiau yn ei wneud. Ydych chi'n: (a) Parhau i fynd i dŷ eich Tad fel arfer. Nid ydych am frifo ei deimladau (b) Peidio â mynd i'w weld pan fydd eich ffrindiau yn gwneud rhywbeth mwy diddorol (c) Egluro i'ch Tad, er eich bod am ei weld o hyd, yr hoffech weld eich ffrindiau weithiau hefyd.
5	Mae eich llys-chwaer yn eich gyrru'n wallgof, yn mynd â'ch pethau neu'n benthyg eich dillad heb ddweud wrthych. Ydych chi'n: (a) Goddef y sefyllfa: nid ydych am achosi cweryl. (b) Rhoi popeth dan glo a bygwth gwneud rhywbeth cas iddi. (c) Gofyn iddi ddychmygu sut y byddai hi'n teimlo pe baech yn gwneud yr un peth iddi hi.

Beth oedd eich sgôr? (a) yn bennaf (b) yn bennaf (c) yn bennaf