Dim ond trwy gael gorchymyn gan y Llys Sirol y gellir dod â phriodas i ben. Llys Sirol yw llys ar gyfer eich ardal leol, ac mae'n wahanol iawn i'r llysoedd sy'n delio â
throseddau.
Fel arfer, nid oes angen i unrhyw un fynd i'r llys er mwyn cael ysgariad oherwydd, fel arfer, gellir delio â phethau drwy'r post.
Hwyrach y bydd eich rhieni yn siarad â chyfryngwyr (pobl wedi eu hyfforddi i helpu rhieni i ddod i gytundeb) neu'n cael cyngor gan gyfreithwyr (arbenigwyr ar y gyfraith) ynglˆyn â'r ffordd orau i gytuno ar gynlluniau ar gyfer y dyfodol - pethau fel arian, lle y bydd pobl yn byw, ac yn bwysicach na dim, trefniadau ar eich cyfer chi.
Weithiau bydd rhieni yn ei chael hi'n rhy anodd i gytuno ar drefniadau ar gyfer y dyfodol felly gall barnwr wneud penderfyniadau ar eu rhan. Gelwir y rhain yn Orchmynion
Llys.
Hwyrach y gofynnir i'r barnwr wneud trefniadau am breswylfan (gyda phwy y byddwch yn byw) neu gyswllt (y trefniadau ar gyfer cael cyswllt gyda'r rhiant nad yw'n byw gyda chi
bellach).
Er mwyn gwneud hyn, hwyrach y byddant yn gofyn i Gofnodwr Plant a Theulu o Wasanaeth Cynghori a Chymorth Llys Plant a Theulu i siarad â chi a'ch rhieni ac yna rhoi cyngor i'r llys ar y trefniadau
gorau.
Pan fydd gan y barnwr yr holl wybodaeth i wneud penderfyniad, hwyrach y trefnir Gwrandawiad Llys i drafod y trefniadau. Cyfarfod rhwng y barnwr a'ch rhieni i wrando ar yr hyn sydd gan bawb i'w ddweud yw Gwrandawiad Llys. Fel arfer, ni elwir plant i'r llys gan mai cyfrifoldeb y Cofnodwr Plant a Theulu yw sicrhau y trosglwyddir safbwyntiau'r plant i'r
barnwr.
